Trainee i Klimapartnere Vestland - Vestland Fylkeskommune

 
Trainee i Klimapartnere Vestland  
  
Vil du vere ein pådrivar for grøn omstilling i Vestland? Klimapartnere Vestland tilbyr ein av dei mest spennande traineestillingane i regionen for deg som brenn for berekraftig nærings-og samfunnsutvikling. Vi ser etter ein initiativrik og engasjert person som kan inngå som ein del av eit framoverlent team i Klimapartnere Vestland.  
 
Med over 300 partnarar i heile landet, er Klimapartnere Noregs viktigaste partnarskap for grøn næringsutvikling. Partnarskapen i Vestland består av 65 verksemder i privat og offentleg sektor, som har forplikta seg til å jobbe systematisk for utsleppskutt. Vi tilbyr informasjon og rådgiving, arrangerer møte for læring og samarbeid, og fungerer som ein koplingsboks og pådrivar for grøn næringsutvikling i heile fylket.  
Klimapartnere tar for seg FNs berekraftsmål 13 og 17: Stoppe klimaendringane, og samarbeid for å nå måla. 

Klimapartnere Vestland er ein del av seksjon for Grøn vekst, klima og energi i avdeling for innovasjon og næringsutvikling i Vestland fylkeskommune, og har to tilsette på fulltid. 

Som trainee vil du være ein fullverdig del av teamet, og du vil få moglegheit til å påverke og utvikle arbeidet i partnarskapen i ei avgjerande tid for å nå målet om Vestland som ein nullutsleppsregion innan 2030.

 
KVALIFIKASJONAR: 
 
Vi ser etter deg som brenn for berekraft, og som ser moglegheitene for næringslivet i det grøne skiftet. Du er ein kandidat med stor samfunnsinteresse, brei allmennkunnskap, og god evne til å sette deg inn i nye kunnskapsområde i rask utvikling. 
Som ein del av teamet i Klimapartnere Vestland vil du kunne bruke kompetansen din på ei rekke område. Vi jobbar med alt frå energiomstilling, forretningsutvikling, klimarapportering, grøn transport og grøn digitalisering, til offentleg-privat samarbeid og sirkulærøkonomi.

Vi ønskjer ein kandidat som har:

• Relevant høgare utdanning, bachelor eller master  
• God skriftleg og munnleg formidlingsevne 
• Erfaring med sosiale medium og webpublisering 
• Organisasjonserfaring eller næringslivserfaring  
• Erfaring med å organisere arrangement, enten i frivillig eller lønna arbeid  
• Forståing for forretningsdrift og grøn næringsutvikling  
• Kjennskap til berekraftsarbeid, klimaregnskap eller miljørapportering er ein fordel, men ikkje avgjerande.

 
 
ARBEIDSOPPGÅVER:  
 
Vi søker en trainee som skal jobbe tett saman med leiinga i Klimapartnere Vestland, og ta del i den daglige drifta av partnarskapen i heile fylket. Arbeidsplass vil vere på Sandsli i Bergen. Du må rekne med noko reising innanfor fylket .  
 

• Hjelpe til med å organisere og gjennomføre partnarmøter, seminar, webinar og andre arrangement i Klimapartnere Vestland 
• Fungere som møtesekretær i interne og eksterne møter 
• Delta på oppfølgingsmøter med partnarane 
• Bidra i oppfølging av partnarane sitt klimaarbeid og klimarapportering  
• Delta i relevante forum i avdelinga i fylkeskommunen for å sikre god kommunikasjon og informasjonsflyt  
• Skrive artiklar og publisere innhald på våre nettsider www.klimapartnere.no
• Bidra med innhald til og vidareutvikling av sosiale medium 
• Være ein motivator og pådrivar for Vestland som nullutsleppsregion 

 
 
PERSONLEGE EIGENSKAPAR:  
 

• Samfunnsinteressert 
• Engasjert i klima- og miljøspørsmål 
• Strukturert  
• Positiv og løysingsorientert 
• Gode samarbeidsevner  
• Gode sosiale ferdigheter 
• Ansvarsfull 

Personlege eigenskapar vil bli lagt vekt på.
 

Vi tilbyr :

• Motiverande og stimulerande arbeidsmiljø
• Interessante og viktige oppgåver. Arbeid som gir resultat og samfunnsnytte.
• Arbeidsmiljø med høgt kvalifiserte fagfolk
• Gode forsikrings- og pensjonsordningar
• Fleksibel arbeidstid
• Stilling i ei inkluderande arbeidslivsverksemd (IA-verksemd) .
• Alle nytilsetjingar i Vestland fylkeskommune blir gjort med ei prøvetid på 6 månader

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.